如何判斷自己的膚質

判斷自己嘅膚質 乾性/中性/混合/油性

點解護膚品用係自己塊面上面唔但止冇改善到,而且仲出油出粒粒?有機會就係你所選擇嘅護膚品唔適合自己嘅膚質。
肌膚檢察其實唔困難,自己係屋企都做到,咁就可以進行正確嘅護膚程序。

膚質檢測方法

先用溫和潔面產品清潔淨臉部,之後抹乾臉部後就得,記得唔搽任何護膚品~
大約30分鐘之後就可以睇下自己皮膚嘅狀況

中性肌膚:肌膚各部位冇特別大量嘅出油情形,都唔會覺得緊繃
乾性肌膚:成塊臉都冇油脂分泌,而且臉部稍為感到緊繃
油性肌膚:成塊臉都有油脂分泌,而且出油狀況都幾明顯。
混合肌膚:可分為兩類,一種係「乾性混合性肌膚」,另一種係「乾燥型油性肌膚」
前者係油脂集中分泌係T字位(額頭、鼻),臉頰出油量較少或者稍感緊繃,後者就係成塊臉都有油脂分泌,但肌膚仍然感覺緊繃不適。

如何揀選適合自己嘅護膚品

中性肌膚:做好清潔、溫和保濕,就可以維持良好嘅肌膚狀態

油性肌膚:清爽、好吸收的質地嘅護膚品

乾性肌膚:使用滋潤嘅護膚品,令肌膚潤澤度提升,同埋記得搽面霜

混合肌膚:避免過度去除油脂,揀一啲同時具有皮脂調理同保濕功能強嘅產品



發表評論

你的電郵地址並不會被公開。 必要欄位標記為 *

zh_HKChinese