頭瘡唔理隨時脫髮？專為香港人而設預防貼士
塊面生暗瘡個個都識緊張，但頭皮生瘡你又知唔知幾嚴重？洗頭時摸到頭皮有粒凸起嘅「小火山」，一掂就痛到標眼水？呢啲就係頭瘡喇！
淨係掛住護理塊面就忽略咗頭皮健康？其實頭皮都一樣係需要好好護理，生頭瘡輕則痕癢，嚴重的話有機會引致毛囊堵塞甚至脫髮。
作為香港人，日日對住潮濕悶熱天氣，加上空氣污染同生活壓力，頭瘡問題真係防不勝防。今日就同大家深入剖析頭瘡成因同解決方法，等你可以徹底告別呢個煩惱！
頭瘡VS暗瘡 到底有咩分別？
頭瘡正式名稱叫「頭皮痤瘡」，同面上暗瘡其實基本上都係相同，都係毛囊發炎惹的禍。最大分別係頭皮毛孔更密集，油脂分泌更旺盛，一旦堵塞就會引發紅腫、膿包，嚴重起嚟仲會導致脫髮！
頭瘡出現5大特徵
1 頭皮出現紅色小丘疹，按落會痛
2 頭皮屑突然增多，仲係塊狀黐立立
3 生瘡位置持續痕癢，越抓越嚴重
4 嚴重時會流膿，結痂後會脫皮
5 頭皮敏感灼熱，顯示頭皮屏障已嚴重受損，處於極度敏感狀態
拆解頭皮毛囊發炎常見原因
內在因素：
1 皮脂分泌過多：油性頭皮嘅人油脂分泌旺盛，過多皮脂容易堵塞毛孔，成為細菌滋生溫床。
2 荷爾蒙失調：壓力、熬夜或生理期前後可能導致荷爾蒙失衡，刺激皮脂腺分泌更多油脂，引發頭瘡。
3 大汗體質：汗水令頭皮環境潮濕悶熱，而且會改變酸鹼值，削弱頭皮保護力，令細菌有機可乘。
外在因素：
1 天氣與環境影響：香港夏天又熱又潮濕，搞到頭皮好似焗桑拿咁，令毛孔難以呼吸。空氣污染物與油脂混合圭一齊，令毛囊堵塞。
2 清潔不當：洗頭次數不足會積聚污垢油脂，但如果過度清潔反而破壞頭皮保護屏障。
3 產品使用錯誤：護髮素、髮蠟或噴霧若殘留頭皮，就會好似膠水咁堵塞毛孔。此外，長時間戴帽或者用過熱風筒吹頭皮，會造成頭皮刺激出油。
4 不良生活習慣：長期壓力大、作息不規律會削弱免疫力，降低頭皮自我修復同防禦能力，導致炎症易發。
點先可以預防頭瘡？
從根源預防頭瘡 想徹底解決問題，就要從生活習慣入手：
1 溫和洗頭：避免用指甲抓頭皮，改用指腹輕柔按摩，減少刺激
2 清潔日常用品：定期清洗梳子、帽子同枕頭套，避免細菌積聚。
3 避免過熱吹風與造型品：減少使用熱風吹頭；避免含刺激性化學成分洗髮水、髮泥或染髮劑，減少毛囊堵塞同炎症風險。
4 減少護髮素使用：頭瘡嚴重時，避免使用黏膩嘅護髮素，以免堵塞毛囊。
5 避免長時間戴帽：戴帽易使汗水積聚，導致毛囊堵塞，應該要比頭皮透下氣。
6 注意飲食：減少油炸同高糖食物，多攝取蔬果
7 多做運動：運動能促進血液循環、幫助排毒，並釋放壓力，維持頭皮健康。
容易出現頭瘡三大高危人士
油性皮膚的人
由於頭皮皮脂腺分泌旺盛，容易造成毛囊堵塞，從而引發頭瘡。
經常處於高溫環境的人
成日係高溫下工作嘅人士，炎熱環境會刺激皮脂分泌並增加流汗，令頭皮更容易滋生細菌。
長期佩戴帽子的人
例如因為工作需要而必須戴帽嘅人。長時間戴帽會令頭皮悶熱、積聚汗水，唔單止會令頭髮變得黏膩，仲會引發毛囊堵塞問題
頭瘡解決方法 日常護理到專業治療
輕微嘅頭瘡我地可以透過溫和清潔頭皮以及調整生活同飲食習慣去改善，但如果頭瘡情況係2至4週內未見改善，甚至出現頭瘡範圍擴大、紅腫熱痛等問題就應該尋求治療
使用毛囊淨化液清除毛孔存積嘅廢質，去除老化角質，硬化嘅油脂、頭瘡， 必要時配合hair steamer 加強疏通被油脂阻塞嘅毛囊, 令頭髮有足夠空間生長。
Chinese