腋下美白攻略擺脫暗沉尷尬煩惱

腋下嘅黑色素沉澱問題，真係令唔少女仔感到困擾，尤其係夏天穿著背心嘅時候，暗沉嘅腋下肌膚令人覺得尷尬萬分。與其一直遮遮掩掩，不如一齊了解腋下變黑原因同解決方法，重拾白滑肌膚！

腋下黑色素沉澱原因

黑色素沉澱原因一刮毛方式不當

用刮刀剃毛會對皮膚造成刺激。因為刀片可能會輕微割傷皮膚，導致炎症反應，引起黑色素沉澱。
改善方法 : 建議使用較溫和嘅脫毛方式，例如除毛膏﹑蜜蠟或激光脫毛，亦可以係除毛之後進行保濕。

黑色素沉澱原因二衣物摩擦

身穿緊身衣物會導致腋下皮膚長時間接觸摩擦，損害皮膚表層，促使黑色素細胞增生，造成黑色素沉澱。
改善方法 : 選擇柔軟衣物或者穿著鬆身衣服，可以減少摩擦對皮膚嘅影響。

黑色素沉澱原因三汗水細菌滋生

相信大家都知道腋下係一個潮濕又唔通風嘅環境，汗水同細菌結合會導致皮膚發炎，促進黑色素生成。
改善方法 : 保持良好嘅個人衛生習慣，注意腋下通風、唔可以長時間悶住，令腋下保持係乾爽環境。

黑色素沉澱原因四化學產品刺激

有啲除毛膏或者止汗劑當中會含有刺激性成分，長期使用可能對腋下皮膚造成不良影響，令黑色素沉澱。
改善方法 : 建議選擇不含刺激成分的產品，並在使用前進行局部測試。

黑色素沉澱原因五荷爾蒙變化

荷爾蒙狀況影響腋下顏色，特別係青春期、懷孕或者使用口服避孕藥時，荷爾蒙變化可能刺激黑色素生成，導致腋下變黑。

黑色素沉澱原因六基因遺傳

有啲人天生擁有較多黑色素細胞，就會令腋下顏色較深。

黑色素沉澱原因七健康問題

內分泌失調、肝功能異常或者糖尿病等健康問題，可能導致黑色素沉澱在皮膚下

黑色棘皮症亦係一種皮膚病變通常同胰島素抵抗或者內分泌失調有關，多數出現係肥胖或者糖尿病患者身上。

黑色棘皮症狀
皮膚變厚：受影響部位皮膚會變得粗糙，觸感似絨毛。
顏色變深：皮膚顏色會變得較深，通常係暗褐色或黑色。
氣味：有時可能伴隨異味。

方法一使用美白產品

選擇含有維他命C、維他命E、胺基酸、玻尿酸、熊果素或甘草萃取等等成分嘅美白霜，能夠有效減少黑色素沉澱。

方法二健康生活方式

攝取多啲含有抗氧化劑嘅食物，例如水果同蔬菜，幫助減少黑色素生成。要多喝水，保持肌膚水潤，減少出現乾燥同暗沉情況。

方法三醫美療程

1. 美白嫩滑肌膚，變細毛孔

毛囊復元會比之前更細，從而令肌膚變得更加光滑細膩。可以促進肌膚更新，令你擁有白皙嫩滑肌。

2. 解決色素沉澱與毛囊炎

毛髮倒生、發炎及色素沉澱係常見問題。當炎症出現時，光學治療能夠破壞毛囊組織，防止毛髮再生。唔單止解決毛髮倒生困擾，仲可以改善皮膚顏色，令腋下肌膚恢復健康光澤。