必學面部健身對抗地心引力！香港女生告別包包面、法令紋

明明每日護膚步驟做足，精華、面霜乜都搽，但點解塊面好似愈來愈「墜」？覺得蘋果肌偷偷向下移、法令紋愈來愈深、下巴輪廓開始模糊，成個面型好似愈來愈「闊」，未必係你揀唔岩護膚品，可能係你塊面嘅肌肉開始偷偷萎縮緊，承托唔起皮膚同脂肪。

你有機會係面部肌少症？

面同身體其他部位一樣都係有肌肉，而面酆有超過40組肌肉，但日常講嘢、食飯、做表情，其實只用到當中大約3成，其他長期「躺平」嘅肌肉，隨住年紀增長同疏於鍛鍊，就會慢慢流失、鬆弛。稱為面部肌少症，係導致輪廓下垂、皮膚鬆弛嘅元兇之一！特別係香港人，日日對住電腦同手機，成日低頭、表情單一，加上生活壓力大，肌肉流失得更快。

面部肌肉流失成因

年齡增長：隨著年紀增長，肌肉密度下降，肌膚支撐力變弱。

缺乏運動：平時好小郁動到臉部肌肉，導致面部肌肉萎縮下垂。

不當表情肌群習慣：長期單側咀嚼、咬牙等等壞習慣會令特定區域肌肉纖維老化。

急速瘦身：快速減重會導致臉部脂肪快速流失，肌膚彈性無法即時恢復，形成鬆弛。

教你認識「提升肌」同「下降肌」

我地面部肌肉可以簡單分為提升肌同下降肌
提升肌：好似顴大肌、笑肌、額肌等，負責將嘴角、蘋果肌同眉毛向上提，對抗地心引力，維持V面。
下降肌：例如口角下拉肌、頸闊肌，會將面部組織向下拉，形成苦瓜臉、嘴邊肉同頸紋。

「面部健身操」在家激活沉睡肌肉

「A-I-U-E-O」練習
誇張地做嘴型，每個字母停頓3秒，重複5次呢個動作可以全面活動到口周同面頰平時好少用嘅肌肉，促進血液循環﹑減淡法令紋。

「嘴部氣球」循環訓練
深吸一口氣，將空氣儲喺口腔，鼓起雙頰像氣球，用力撐住10秒。
然後將空氣分別推向「人中」、「下唇」、「左面頰」、「右面頰」四個位置，每個位置Hold 5秒。早晚各做一次，有效緊緻面頰。

微笑保養法
露齒笑，hold住5秒再放鬆重覆10次。可以鍛鍊蘋果肌。

塊面同身體一樣，要練先會緊實

好多香港人肯花時間練馬甲線、練手臂，但偏偏忽略塊面。如果覺得自己練成效慢，或者想針對性快速改善，而家亦有好似幫塊面做Gym嘅高科技療程。例如韓國好Hit嘅 GymFACE，透過獨家專利技術，HIEMS高能電脈衝提升肌肉密度同厚度，撐返起鬆咗嘅肌底，Sync RF同步射頻電波就可以刺激膠原再生，輪廓自然緊緻提升。

生活小習慣大提升 食嘢都可以瘦面?

有意識咀嚼：食蘋果、堅果、魷魚絲呢類需要用力咀嚼嘅食物。每啖飯至少咬20下，而且確保左右兩邊輪流咀嚼，避免面型不對稱。

改善姿勢：少啲低頭睇電話！抬頭挺胸，頸部肌群先會拉緊，下顎線先會清晰。