清膚質先識揀！香港皮膚管理由檢測到保養：3步養成透亮好皮膚

想養好皮膚，第一步梗係要了解自己係咩膚質先啦！你知唔知，市面上咁多保養品，個個都話「油性肌適用」、「混合肌推薦」，但如果你連自己係邊類型都搞唔清楚，好易買錯之餘仲可能搞到皮膚愈保養愈差㗎！其實每個人都想以最佳肌膚狀態示人，但要俾皮膚最需要嘅養分，首先要識得分自己係屬於邊種膚質，先可以對症下藥，揀啱真正適合自己嘅產品同護膚方法。今次呢篇文就會同大家簡單講解下常見嘅4種膚質分類、特性，仲有個免費又簡易嘅肌膚檢測方法，等你了解自己屬於邊類之後，以後無論買保養品定化妝品都識得點揀，輕鬆養出健康水潤嘅透亮肌。

常見的肌膚四大種類

普遍嚟講，我地可以將膚質分成四大類：中性、乾性、油性同混合性，仲有一種係因為皮膚屏障受損而變得敏感嘅敏感肌。要分辨自己係邊種，最簡單就係留意洗完面之後嘅感覺，同埋T字位（額頭同鼻）嘅出油情況，咁就可以大概知道你皮膚嘅水油平衡狀態。

中性肌︰
呢種膚質水油分泌達到完美平衡，毛孔細緻，皮膚望落有彈性同健康光澤，基本上做好基礎清潔同保濕就已經好夠，係最理想嘅狀態

油性肌︰
因為皮脂腺太活躍，所以容易出現全臉泛油、毛孔粗大同埋暗瘡粉刺問題，特別係天氣濕熱、壓力大或者荷爾蒙失調嘅時候，情況可能仲勁。不過正因為皮膚有足夠油分鎖水，呢類膚質通常唔易缺水，反而比較冇咁易出細紋。

乾性肌︰
因為皮脂分泌少，水分好易流失，洗完面成日感覺到好緊繃，甚至會出現脫皮、粗糙同細紋，尤其係眼周同面頰位置。雖然呢類膚質嘅毛孔通常唔明顯，但隨住年紀增長，冇足夠油脂水分保護之下，老化速度可能會相對快啲，所以要特別注意溫和清潔同埋做足保濕工序。

混合性肌︰
呢種膚質集齊乾同油嘅特徵於一身，T字位成日出油、毛孔粗大同生粉刺，但兩邊面頰就偏乾，有時甚至會覺得繃緊。揀護膚品嘅時候要小心，避免過度清潔，最好揀啲可以同時做到保濕同針對皮脂調理產品，如果用到太滋潤嘅護膚品，好易搞到T字位爆瘡，必要時仲可以試下分區保養，照顧唔同部位嘅需要。

膚質自測 洗臉檢測法

想知自己係咩膚質，最簡單直接嘅方法就係洗完面之後乜嘢護膚品都唔好搽，等佢半個鐘左右，還原肌膚最真實嘅狀態。半個鐘之後，你可以根據塊面嘅感覺，或者用吸油紙輕輕印吓唔同位置，咁就一清二楚。

油性肌︰成塊面都係明顯地有油脂分泌
乾性肌︰成塊面都好緊繃，甚至覺得乾爭爭
混合性肌︰T字位（額頭、鼻）明顯出油，但兩邊面頰同眼周就覺得乾同繃緊。
中性肌︰油水平衡，塊面唔太出油、又唔覺得乾。

敏感肌係點黎？常見症狀＋護理重點

簡單嚟講就係塊面塊皮太薄，防護能力唔夠，好容易因為啲天氣一熱一凍、空氣污糟、壓力大，甚至係用錯護膚品塊面就即刻又紅又發滾，特別係額頭、鼻翼同面珠墩位置。有時洗完面覺得成塊面扯住曬，一搽護膚品就「拿」住痛，又或者轉季或者出入冷氣地方，塊面就會乾到甩皮痕癢。嚴重起上嚟，仲可能會引發濕疹嗰啲慢性皮膚問題。所以敏感肌要養好塊面，重點係要揀啲成分溫和、無香料無酒精嘅產品，仲要戒咗過度洗面嘅習慣，一日唔好洗多過兩次，最緊要係專心修復返皮膚嗰道天然屏障，先至可以等塊面乖乖聽話。

LDM水原再生細胞機 敏感肌修復專家

LDM水原再生細胞機，係專為敏感肌而設嘅修復神器！呢部機透過超聲波技術，可以深入肌膚底層，從根源修復皮膚屏障、刺激細胞再生，唔單止幫你提升鎖水能力，仲可以加速細胞修復，令皮膚回復年輕狀態，水潤感仲要係持久嗰隻。
咁同平時嘅導入機有咩分別？市面上嘅導入機主要係靠面膜同精華將水分滲透到表皮層，效果通常都係短暫，只係表面補水。但LDM水原再生細胞機就唔同，佢用超聲波技術直達肌膚深層，促進水原再生，同時刺激膠原蛋白生成，真正做到由內到外修復皮膚，鎖水效果更持久，唔再係「一陣就冇」嗰種感覺！