瘦瘦針香港減肥有效？醫生拆解3大潛在風險副作用

近年係減肥界捲起咗「瘦瘦針」熱潮，相信大家係唔同社交媒體都聽過呢樣嘢。原本用嚟醫糖尿病嘅GLP-1類藥物，依家被當成快速減肥嘅神針，聽落好似打一針就輕鬆瘦，仲要唔使節食運動咁夢幻？其實瘦瘦針唔係魔法，佢係一種透過影響食慾同血糖嚟幫手減重嘅藥物。有人當佢係大吃特吃嘅通行證，但小心呢一針隨時可能係健康危機嘅開端。呢篇文就同大家拆解下，瘦瘦針究竟係乜嘢？點解可以減到肥、成分有咩分別，同埋有咩潛在風險。

瘦瘦針係咩嚟?

「瘦瘦針」係一類叫做「腸泌素藥物」（GLP-1受體促效劑）嘅注射劑，呢類藥物外形似一支筆，所以有人會叫佢地做「瘦瘦筆」。本來係用嚟幫助第二型糖尿病患者穩定血糖。瘦瘦針香港係合法嘅，但屬於受管制「醫生處方藥物」，要經醫生診斷、簽字處方先可以使用。

瘦瘦針原理

瘦瘦針嘅原理，其實係模仿我哋食嘢之後，腸道自然分泌嘅一種荷爾蒙，叫做「腸泌素」（尤其係GLP-1）。呢種荷爾蒙本身就好似一個「飽肚訊號」，而瘦瘦針就係將呢個訊號加強，等個腦同個胃收清楚訊息，從而幫我哋控制食慾同減重。

簡單嚟講，佢主要做三件事：
令你唔係咁想食嘢
支針會直接同大腦嘅食慾中樞「傾計」，降低你對食物嘅渴望，尤其係高熱量嘅嘢食，等你好自然就食少咗。

飽得滯、慢啲餓
佢會拖慢個胃消化同排空嘅速度，等食物喺個胃留耐啲。咁你食完一餐之後，個飽肚感就可以維持得更長，冇咁易心思思想再食零食。

幫手穩定血糖
支針仲會調節胰島素同升糖素，等飯後血糖唔會升得咁急，減少脂肪積聚，同時改善身體點樣運用能量。
有啲新式嘅瘦瘦針仲加多一種GIP荷爾蒙，雙重作用，效果可能更明顯。根據外國研究，配合飲食同運動，一般打咗3個月左右會開始見效，持續使用半年至一年，平均可以減到原來體重嘅10%至20%，同時對血糖、血脂都有改善

瘦瘦針真係work？

其實，瘦瘦針（主要成分係GLP-1受體促效劑）對於管理體重係有實證效果嘅。佢嘅原理主要係延緩胃部排空，令你維持更長時間嘅飽肚感，自然食慾同食量都會減低。

初期你可能會先覺得胃口細咗，食少咗嘢，但體重未必好明顯下降。呢個階段係身體開始適應藥物。之後如果配合適當飲食同運動，效果會開始明顯。研究顯示，大約6成用家喺12個星期內，體重可以減輕5%或以上

瘦瘦針會唔會反彈？

如果唔改變一啲唔好嘅生活習慣，其實停藥之後係好易會反彈。有唔少人以為打咗針就可以乜都唔使做，照舊食得多、唔運動。一停藥，藥物幫你抑制食慾、減慢胃排空嘅效果無咗，胃口好快就會返番嚟，食多咗好易又攝取過多熱量。另外，如果打針期間因為食得太少、又冇做運動，減咗嘅可能唔止係脂肪，連肌肉都流失埋。肌肉少咗，基礎代謝率就會跌，變相更加易肥返。

外國有研究跟進過一班肥胖或過重人士，打咗20週瘦瘦針之後，部分人繼續打，部分人轉打安慰劑。結果發現，繼續打針嘅組別到68週平均減咗約17.4%體重；而停藥嗰組，停藥後48週內平均體重反彈咗約11.6%，最後只係維持到減咗約5.6%。即係話，一停藥而又冇改變飲食同運動習慣，好可能會跌返部分成果，不過整體依然比未開始治療前輕少少。

瘦瘦針可以幫你起步，但長期維持要靠自己建立健康飲食同定期運動習慣。如果打完針又返去食薯片、飲奶茶、唔郁動，體重好大機會會慢慢彈返上嚟。

瘦瘦針副作用

最常見嘅反應係腸胃不適，例如作悶、嘔吐、肚瀉、便秘或者肚痛，呢啲多數係暫時性。有啲人亦會因為食量驟減而感到攰或者有少少頭暈。少數人可能會出現頭痛、甩頭髮，甚至每100至1000人中就有1個可能出現嚴重嘅胰臟炎。

增肌減脂全能方案 輕鬆擁有纖腰、瘦腿、馬甲線

Megamax 增肌x塑形x盤底修復儀

不但有助燃燒脂肪、強化肌肉，更能促進血液循環，長遠而言有助加快人體基礎代謝，輕鬆煉成易瘦體質！短短30分鐘即能發揮仿如30,000次Sit-up的肌肉鍛煉效果，臨床測試證明1次療程有效增強肌肉16%及減少脂肪19%。

OndaPlus一叮溶脂

利用獨特專利技術 COOLWAVES，選擇性地靶向皮下脂肪細胞，針對最難減嘅局部脂肪層，進行深層溶脂，仲可以改善皮膚鬆弛，令你喺瘦身嘅同時保持肌膚緊緻。