打豐胸針前要小心一文了解原理同風險

唔少女性都希望有豐滿身材，依加市面上嘅豐胸方法越嚟越多，除咗傳統嘅隆胸，仲有唔同嘅豐胸針﹑豐胸丸﹑豐胸膏，就算係天生小胸女都可以透過後天改變身形。
而豐胸針就係近年比較熱門嘅豐胸選擇，快速見效又唔需要開刀。但注射咗豐胸針之後係咪一勞永日？你又了唔了解豐胸針呢？
呢篇文章會詳細介紹針豐胸原理﹑特點﹑風險，等大家決定注射之前可以更加了解，做出適合自己嘅決定。

豐胸針係咩嚟？

豐胸針顧名思義就係將填充物例如自體脂肪或者透明質酸等注入胸部，咁就可以達到豐胸效果

3種豐胸針成份大比較

雖然市面上有好多豐胸針療程，但最常見基本上都係三種成份

成份1. 透明質酸

透明質酸通常都係用係體積填充，而佢本來就存在係人體中嘅天然物質，所以相容性比較高，出現副作用嘅機率同後遺症都會低啲。由於透明質酸會比人體吸收再代謝出去，所以持續時間比較短，如果想維持效果就需定期注射

成份2. 膠原蛋白

刺激膠原蛋白自我增生，支撐起胸部。比起透明質酸持續時間會更加持久

成份3. 自體脂肪

全身麻醉之後就會將大脾﹑手臂﹑腰或臀部等等部位多餘嘅脂肪抽出嚟，然後啲脂肪會再透過特殊分離技術同純化，再將脂肪注射入胸部呢個方法效果比較持久
不過呢個方法有機會出現「胸結石」，當脂肪冇被順利融合同吸收就會鈣化，需要做手術先可以拎番出嚟

PAAG豐胸針半永久效果點解唔建議打？

PAAG（聚丙烯酰胺水凝膠）唔會被人體吸收，唔洗開刀就有半永久豐胸效果。但香港衛生署唔建議使用，連中國都禁用埋。
根據消費者委員會嘅新聞稿表示，注射 PAAG 豐胸針可能會引起多種併發症，包括乳房腫塊、感染、發炎、出血、膿腫、疼痛、凝膠移位等等，嚴重甚至需要切除整個乳房。而且PAAG一但注射咗入人體內，就幾乎冇可能將佢完全移除