【香港玫瑰痤瘡懶人包】成因、病徵與日常護理要點全解析

玫瑰痤瘡呢個名，好容易令人誤會佢同暗瘡有關，但其實完全係兩回事！呢種慢性皮膚病最常出現係30至50歲嘅女性身上，最明顯徵狀就係面頰同鼻頭持續泛紅、發熱。最令人頭痛嘅係，玫瑰痤瘡唔係因為你塊面唔夠水、唔夠油，亦都唔係敏感或者暗瘡，所以無論你點樣狂敷保濕、試盡各種抗敏產品，塊面都好似有個計時炸彈咁，隨時因為小小刺激就大爆發！
究竟點解會出現玫瑰痤瘡？佢同暗瘡有咩分別？到底有咩治療同護理方法？今日呢篇文章會同你詳細拆解，仲會介紹一啲醫美療程去幫手穩定肌膚狀態。

拆解玫瑰痤瘡 唔好再當佢係普通敏感

玫瑰痤瘡係一種慢性皮膚發炎。簡單嚟講，就係控制臉部血管嘅神經系統失調，令血管不斷擴張，塊臉就僧成日紅到一笪笪，特別係鼻、面頰、額頭同下巴呢啲中間位，睇落好似敏感咁。醫學界仲未查明到確實成因，但估計同遺傳、後天環境有好大關係，例如曬太陽、焗促天氣、食錯嘢、精神緊張，甚至長期用類固醇藥物都有影響。另外，皮膚表面啲微生物（例如蠕形蟎蟲）太多，或者身體免疫反應過大，都話可能係元兇之一。通常30歲以上嘅女士容易中招，不過男士一旦患上，情況往往仲嚴重啲，有機會惡化到生膿疱、丘疹，甚至變埋酒糟，所以千祈唔好睇少佢。

誘發玫瑰痤瘡外內因素

香港地氣候濕熱，加上生活節奏咁快，好多人都受玫瑰痤瘡困擾。其實誘發呢個病嘅原因都幾多。

原因一 先天體質
有啲人天生神經血管比較活躍，血管結構脆弱唔識收縮，加上皮膚免疫反應太過強烈，或者表皮屏障受損，咁就特別容易中招。而遺傳基因都係其中一個原因。

原因二 後天環境
紫外線同溫度變化都好大影響，好似焗桑拿、浸溫泉，甚至劇烈運動後體溫急升，都會令到面部血管擴張，搞到塊面紅晒。

原因三 飲食習慣
辛辣、酒精、咖啡因都會刺激神經，令血管擴張，加劇發炎。

原因四 情緒壓力
成日捱夜、緊張、憂鬱，好易反映喺面部肌膚上。

原因五 藥物以及護膚品
長期查類固醇藥膏會令皮膚變薄變敏感。另外，某啲含香精、酒精嘅刺激性化妝品都有機會觸發或加重病情

原因六 蠕形蟎蟲共生狀態失衡
當「蠕形蟎蟲」係臉部毛囊異常增殖，就會引起免疫反應，令面部持續出現紅斑、膿皰、血管擴張等症狀。

玫瑰痤瘡食療 中醫推薦清熱湯水

玫瑰痤瘡成日搞到塊面又紅又熱，真係令人好困擾！想從內到外調理下，可以試下呢個中醫推薦嘅「綠豆海帶湯」。佢主要係針對玫瑰痤瘡嘅「熱性」嚟清熱解毒、活血化瘀，好啱用嚟紓緩面部紅腫。做法好簡單：

材料：海帶15克、綠豆15克、甜杏仁9克、玫瑰花9克，同埋適量紅糖步驟：
1. 先將玫瑰花用紗布包好
2. 甜杏仁用熱水浸完去皮
3. 海帶就浸軟切絲
4. 然後將所有材料放入煲，加適量水煮到綠豆開花就搞掂
5. 最後記得拎起玫瑰花包，落少少紅糖調味，飲湯食豆就得㗎喇。

如果想再簡易啲，就咁用幾片浸洗過嘅海帶，加埋綠豆一齊煲都得，因為綠豆可以利水清熱，幫手帶走體內熱氣，塊面都冇咁紅。不過要留意返，如果本身體質偏虛寒就唔適合飲，同埋綠豆都幾涼，間中飲下就好，唔使日日煲住嚟飲啊！

Excel V激光夾LDM水原再生 擊退玫瑰痤瘡終極組合

Excel V有美國FDA認證，針對引起玫瑰痤瘡引起嘅泛紅、微絲血管擴張同發炎丘疹。加埋藍寶石冷凍技術，打嘅時候舒服好多。配搭埋LDM水原再生細胞機，可以加速細胞修復同提升肌膚鎖水能力，成個修復同抗紅效果會更好。