【4月換季必睇】香港天氣又濕又笠 四步告別紅腫暗粒

呢排香港嘅天氣真係勁難頂？濕度長期爆錶，一時落毛毛雨，一時又出猛太陽，仲要嗰啲紫外線已經不知不覺變得好勁。返工放工行多兩步，塊面已經覺得又笠又痕，甚至開始出粒粒、泛紅脫皮？ 唔使驚！ 今日就同你地詳細拆解4月換季護膚攻略，只要你跟實「防曬、溫和清潔、保濕、修護」呢四點，就算天氣再悶焗，你塊面都可以保持穩定，仲要識發光！

悶熱天氣四大護膚攻略

攻略1：防曬要做足 唔好再話陰天唔使搽

香港4月嘅紫外線指數，絕對唔可以睇小！好多人都以為「今日陰陰地，唔曬得去邊」，錯啦！紫外線UVA係可以穿透雲層同玻璃，直達你皮膚底層，令你出斑、變黑、仲要老得快！ 記住防曬就係最好嘅抗衰老方法。 每日出門前，就算只係落一落街買嘢，都要搽返足夠分量嘅防曬。揀嘅時候可以留意清爽、唔油膩嘅質地，咁就唔怕阻塞毛孔。如果怕「立黐黐」，可以揀物理防曬或者控油款。

攻略2：溫和清潔 暫停磨砂

換季期間，皮膚屏障本身已經脆弱，如果你仲用啲強力清潔、磨砂，分分鐘越洗越敏感，搞到又紅又痛。 記住要溫柔，要識停。 選擇保濕型、胺基酸基底嘅潔面產品，佢哋可以溫和帶走多餘油脂同污垢，又唔會破壞皮膚天然保護膜。特別係容易出油嘅T字位，可以輕輕打圈多幾下，但兩邊面頰就輕輕帶過。至於去角質？4月暫停強酸或者強力磨砂，等皮膚穩定返先再做都未遲。

攻略3：乾肌油肌 保濕方法完全唔同

香港潮濕，但唔代表你唔使保濕！係要識得「分區」同「揀質地」。
乾性肌膚：重點係加強補水 + 鎖水。洗完面千祈唔好用熱水沖塊面，之後即時用補水安瓶或者滋潤啲嘅面霜，幫皮膚補充油份，修復屏障，改善甩皮情況。
油性肌膚：重點係水油平衡。唔好以為塊面出油就唔使補水！反而要揀控油抗炎成分（例如積雪草、水楊酸）嘅潔面乳，之後用水潤清爽嘅精華乳，為皮膚補水但又唔會加重負擔，自然就減少出油。
混合性肌膚：最麻煩嘅「T字位油，兩頰乾」。分區護理就最適合你！T字位用清爽控油產品，兩邊面頰就用滋潤保濕嘅，平衡返全臉狀態。

攻略4：修護屏障 換季泛紅乾癢救星

如果你已經出現泛紅、痕癢、暗粒，代表你嘅皮膚屏障受損咗！呢個時候，唔好再亂試新嘢，要簡化保養步驟。暫停用高濃度A醇、強酸等等刺激成分，專注用含有神經醯胺、維他命B5、Ectoin等修護成分嘅精華或乳霜，幫皮膚消炎、降紅、重新建立健康屏障。

潮濕天氣救星：LDM水原再生細胞機

講到修護同穩定皮膚，最近喺美容界勁Hit嘅LDM水原再生細胞機，真心值得推介俾成日受潮濕天氣困擾嘅你！
呢部機嘅技術，係透過專利嘅細胞再生頻率，深入皮膚底層，針對性解決香港潮濕氣候引發嘅皮膚問題
強化皮膚屏障：潮濕天氣令細菌容易滋生，LDM可以刺激細胞再生，提升皮膚嘅鎖水力同抗炎能力，幫你從根源修復受損屏障。
針對發炎敏感：如果你皮膚因為濕熱搞到成日痕癢、發紅，LDM可以有效將發炎部位「降溫」，舒緩不適。
改善暗瘡粉刺：佢仲可以抑制皮脂分泌，對付潮濕天氣下容易爆出嘅暗瘡、暗粒同粉刺，效果相當顯著。