抗糖化飲食點樣食？香港人必學3招踢走AGEs維持抗衰老

成日聽到人講「抗糖化」，係咪即係叫我哋完全唔好食糖？其實唔係係諗得咁簡單！作為香港人，lunch食燒味飯，下午茶就飲奶茶食菠蘿包，好容易就攝取過量糖分，原來呢啲糖分同我哋嘅肌膚老化、甚至內臟衰退有直接關係！今日就同大家拆解點樣聰明抗糖化，唔使戒晒甜野都可以保持年輕同健康！抗糖化同預防提早衰老有咩關係？繼續睇埋落去啦

點解要抗糖化？AGEs對肌膚同健康有咩影響？

當我地食太多糖，體內多餘嘅糖分就會同蛋白質結合，產生一種叫做AGEs「糖化終產物」嘅物質。呢啲AGEs會破壞我哋皮膚嘅膠原蛋白同彈力蛋白，令肌膚失去彈性、出現皺紋同鬆弛。你以為淨係影響皮膚？AGEs仲會引發慢性發炎，加速心血管、大腦同腎臟等器官衰老，增加糖尿病同心臟病風險！換句話嚟講，抗糖化唔止為咗外表，更係為咗成個身體嘅長遠健康！

抗糖化3大飲食秘訣

飲食秘訣一 新鮮蔬果
香港人好多時候都係出街食飯，好難避免加工食品。但其實新鮮蔬果唔止AGEs含量低，仲有豐富抗氧化物質，可以對抗AGEs造成嘅氧化壓力。建議大家每日至少食3份蔬菜同2份生果，例如西蘭花、藍莓、番茄等呢啲都係超級抗糖化食物！

飲食秘訣二 辛香料
係中式烹調經常用到嘅蔥、薑、蒜、辣椒同薑黃，其實都係抗糖化高手！佢地含有強力抗氧化物質，可以提升身體抗氧化能力。自己煮餸嘅時侯用多啲辛香料，自然可以減少用鹽、味精同醬油，降低鈉攝取。

飲食秘訣三 檸檬汁醃肉大家係咪都中意最愛BBQ同打邊爐呢，但高溫烹調容易產生AGEs。原來用檸檬汁或者醋醃肉，可以有效抑制AGEs生成！檸檬本身富含維他命C，仲可以防止亞硝酸鹽轉化成致癌物。

抗糖化貼士 改善生活習慣

• 選擇低升糖指數食物：將白飯轉做糙米飯、白麵包轉做麥包，穩定血糖
• 改變烹調方式：多蒸煮、少煎炸，蒸魚代替炸魚
• 規律運動：唔一定要去做gym，每日行多啲路、搭少程車已經有幫助
• 充足睡眠：原來睡眠不足會加速AGEs形成
• 減壓放鬆：壓力大會令皮質醇上升，間接促進糖化作用
• 做足防曬：紫外線會加速糖化同氧化，記得每日塗防曬，出街帶帽同遮。

抗衰老護膚保養同樣重要

選擇適當護膚品
含有維他命C、茶多酚、A醇等成分嘅產品，幫助對抗糖化

LDM水原再生細胞機
從根源修復皮膚屏障並刺激細胞再生，唔單止能夠促進水原再生，仲可以提升肌膚鎖水能力，加速細胞修復過程，令膚質重回年輕狀態