香港男士脫髮有救！拯救M字額、地中海3大方案

你係咪每日起身都發現枕頭多咗一堆頭髮？洗頭時去水口被頭髮塞住？髮線無聲無息咁向後移，M字額愈來愈明顯，或者頭頂開始見到「地中海」？唔使驚，你絕對唔係一個人。係香港這個節奏急速、壓力爆煲嘅城市，脫髮問題係好多男士都會面對嘅煩惱。但大家要記住「脫髮並非絕症」，關鍵在於及早治療。 等我地一齊拆解有關男士脫髮，幫你守住每條頭髮啦。

造成香港男士脫髮最常見的元兇

遺傳性雄性禿
主要係受男性荷爾蒙雙氫睪酮（DHT）影響，導致頭頂同前額的毛囊逐漸萎縮，頭髮變得又幼又軟，最後停止生長。

日常生活模式
壓力大、常OT：香港人工作壓力全球數一數二，長期壓力會令荷爾蒙失調，直接影響頭髮生長週期，進入休止期嘅頭髮大增。

熬夜、睡眠不足：追劇、打機、OT，破壞身體修復機制，頭髮無足夠營養生長。

飲食失衡、餐餐外賣：多油多鹽、缺乏優質蛋白質(而蛋白質就係頭髮主要成分）、鐵質及維他命（如B雜、維他命D），毛囊吸收唔到足夠營養自然導致頭髮脆弱、稀疏甚至脫落。

煙酒過多：香煙中嘅尼古丁會令血管收縮、酒精分解會產生有害物質，兩者都會影響頭皮血液循環，令毛囊得唔到充足養分。

其他健康問題：甲狀腺疾病、嚴重貧血、糖尿病等，甚至某些藥物（如降血壓藥、抗癌治療）都可能引致暫時性或永久性脫髮。

你屬於邊種脫髮類型？

M字額：髮線兩側開始後退，形成經典的「M字」。多數係雄性禿的早期信號。
地中海（頭頂稀疏）：頭頂頭髮開始變薄，見到頭皮，逐漸擴大成「地中海」。

救髮攻略 唔好盲目相信偏方

1. 黃金法則 及早尋求專業診斷

發現頭髮異常變稀、甩得多，第一時間梗係搵專業人士幫手，判斷脫髮類型、毛囊健康狀況，先可以對症下藥。亂用產品分分鐘延誤治療黃金期

2. 治療方案

外塗生髮水：幫助刺激毛囊，延長生長期。對頭頂稀疏效果較好，需要持續使用。

口服藥物：針對雄性禿，透過抑制DHT來阻止毛囊萎縮。必須經醫生處方及評估，瞭解潛在副作用。

增髮注養滲透療程：增髮注養成分Mesohyal BIOTIN及細胞修復成分NCTC109精華，加上蘊含生物素、多種維他命及23種胺基酸等有效成分，補充頭髮生長所需營養素，修復頭髮細胞及結構，加速頭髮再生速度，有效改善多種脫髮問題。

植髮手術：適合毛囊已閉合、脫髮區域穩定男士。將後枕部健康嘅毛囊移植到脫髮區。

調整日常生活有阻減低脫髮問題?

調整飲食

記住要多攝取蛋白質（例如豆類、魚、肉、蛋）、鐵質（紅肉、深綠色蔬菜）、鋅（海鮮、堅果），仲有硒、維他命A、C、E同B雜（好似黑芝麻、黑豆咁），以及Omega-3脂肪酸（深海魚、核桃都含有）。呢啲營養對頭髮生長好重要。減少食「垃圾食物」，盡量少食高鹽、高糖、高脂肪嘅加工食品、快餐同甜品，食得多對頭髮同頭皮都冇好處。

健康生活習慣

瞓覺要定時充足，可以幫你調節荷爾蒙同新陳代謝，對頭髮生長好有幫助。 適量運動有助促進全身血液循環，令頭皮都得到充足供血，同時可以幫助減壓。 長期壓力大可能會導致脫髮，試下學習一啲放鬆技巧，例如冥想、瑜伽。

面對脫髮，大家唔需要覺得尷尬或者灰心。因為脫髮問題好平常，最重要係用正確態度去面對。如果你懷疑自己有脫髮問題，快啲做一個專業頭皮檢測，制定適合自己救髮方案保住髮線啦。